Preto do 100% do Programa Electoral do PSOE de Lugo está cumprido

O Goberno de José López Orozcoo pode recoñecer con orgullo que as promesas feitas a mediados do ano 2007, no comezo do actual mandato, están xa cumpridas ou EN MARCHA. Demóstrase unha vez máis que os compromisos do Goberno Socialista cos veciños e veciñas de Lugo son reais, e sempre se converten en FEITOs que benefician a Lugo e á súa xente.

PSOE = FEITOS

LUGO: UNHA CIDADE MODERNA E COMUNICADA

INFRAESTRUTURAS

* Procurar a rápida contratación de todos os treitos das Autovías Lugo-Santiago e Lugo-Ourense, así como do treito que as una o máis preto posible do concello coa Autovía do Cantábrico.

* Procurar a urxente contratación da nova Ponte sober o río Miño no barrio da Ponte-San Lázaro, no que xa traballa o Ministerio de Fomento. FEITO

* Promover o estudo urbanístico da nova estación intermodal para a chegada do tren de alta velocidade a Lugo e a súa materialización.

* Promover a realización do II Plan Paradai e a II Fase da Ronda Leste (estrada Fonsagrada - A Tolda). FEITO

* Seguir coa mellora do conxunto do firme, servizos e iluminación nas rúas da cidade, así como da súa humanización con árbores e mobiliario urbano para dar servizo aos cidadáns. EN MARCHA

* Realizar a iluminación do treito que falta na estrada de Santiago. FEITO

* Realizar un plan cuadrienial de arranxo dos viais do poligono do Ceao.

* Proseguir co saneamento da zona rural e a mellora dos accesos aos núcleos. EN MARCHA

LUGO: UNHA CIDADE ATRACTIVA E DE FUTURO

CULTURA E TURISMO

* Crear unha Empresa Municipal de Cultura e Turismo que se encargue de desenvolver e xerenciar todas as potencialidades turísticas e culturais do Concello de Lugo.

* A través de convenios proseguiremos coa mellora e adecentamento do Centro Histórico e daquelas infraestruturas que posibiliten as actividades culturais. Nese sentido, construiranse dúas novas Bibliotecas: unha en Acea de Olga-Augas Férreas e outra na Piringalla. EN MARCHA

* Iniciar as obras e poñer EN MARCHA o Museo Interactivo da Historia de Lugo (MIHL) e o Auditorio. EN MARCHA

* Potenciar o turismo accesible, polo que incrementaremos as obras de supresión de barreiras nos espazos públicos e colaboraremos coa iniciativa privada, continuando o camiño que nos converteu en Premio Nacional Reina Sofía de Accesibilidade. EN MARCHA

* Fomentar os procesos de calidade e xestión medioambiental, tanto nos establecementos como nos servizos públicos de todos os demáis destinos turísticos.

* Propiciar, de forma intensa, os procesos para conseguir alongar a temporada turística, como elemento esencial da sostibilidade económica e social, así como o turismo de fin de semana. FEITO

* Seguiremos promovendo as visitas guiadas e teatralizadas polo recinto histórico así como potenciaremos as actividades de fin de semana para atraer visitantes á cidade. FEITO

* Seguiremos modernizando a páxina web para facela máis interactiva a fin de que, a través dela, tamén se poidan facer reservas e crearemos un apartado especial de turismo para nenos e nenas coa fin de fomentar o turismo de familia. FEITO

* Impulsaremos os procesos de profesionalización e formación de todas as persoas que traballen no turismo, seguindo a liña marcada a través do Plan de Calidade en destino.

* Propiciaremos convenios cos concellos e entidades que colaboren no coñecemento e destino turístico de Lugo. FEITO

* Fomentaremos actividades deportivas e de lecer, acuáticas e de sendeirismo no medio rural, coa posta en valor de novas rutas conectadas coas casas e atractivos do turismo rural. FEITO

* Promoveremos o coñecemento, uso e posta en valor do Camiño Primitivo de Santiago.

* Seguiremos fomentando, en colaboración coa Universidade e outros organismos, o turismo de reunións e congresos.

* Participaremos de xeito activos nas Asociacións de Cidades Amuralladas da Península Ibérica e na Asociación de Cidades Catedralicias, dúas redes nas que conseguimos situar a Lugo, ademais de ser recente Premio Nacional Ciudad Patrimonio de la Humanidad. FEITO

* Promover o turismo gastronómico en colaboración cos restauradores da cidade, establecendo un calendario de xornadas gastronómicas ampliamente anunciadas e un bono para varios establecementos. Manteremos iniciativas con tan boa acollida como o Concurso de Tapas e Pinchos, engadindo novas accións. FEITO

* Seguiremos promovendo a colaboración doutras entidades para a difusión e realización de actos culturais, así como da promoción da cultura tradicional. FEITO

* Impulsaremos que a Semana Santa lucense sexa declarada Festa de Interese Turístico Galego.

LUGO: UNHA CIDADE SOSTIBLE, PARA VIVIR

URBANISMO E VIVENDA

* Crear unha Xerencia de Urbanismo que se encargue da planificación e desenvolvemento do urbanismo en colaboración coa iniciativa privada, pública e EVISLUSA.

* EVISLUSA desenvolverá aqueles polígonos máis necesarios e que se van tramitar por cooperación na zona de Albeiros, Gándaras, Paradai e Barrio Feijóo.

* Mediante EVISLUSA atenderemos as necesidades de vivendas de promoción pública municipal para venda ou aluguer de colectivos desfavorecidos e mocidade, a partir dos aproveitamentos urbanísticos que correspondan ao Concello.

* Desenvolveremos un gran espazo verde na Piringalla. FEITO

* Aprobaremos o novo PEPRI e proseguiremos a rehabilitación do Centro Histórico e as axudas para a rehabilitación de edificios. FEITO

* Promoveremos a creación dun Consorcio para estudar, desenvolver e poñer en valor o rico patrimonio aqueolóxico do municipio.

* Neste importante desenvolvemento do Recinto Histórico é a hora da xestión do Carmen. Promoveremos o seu desenvolvemento urbanístico, con mazás completas que cubran as traseiras evitando imaxes que danan o contorno. Reservaremos un importante espazo central que recolla no seu interior os xacementos arqueolóxicos existentes.

* Propiciaremos a rehabilitación integral dos barrios, facendo proxectos como o do Sagrado Corazón, que estenderemos a Montirón, ás zonas da Milagrosa que desexen os veciños, así como a núcleos rurais significativos. EN MARCHA

* Proseguiremos a creación de zonas verdes nos barrios dentro dos polígonos que se desenvolvan, como as rúas Alcalde Portela en Garabolos, e Aquilino Iglesias Alvariño en Casás-Castiñeiro.

* Afrontaremos a rehabilitación do barrio Feijóo, creando unha zona con estutura propia e ordenada, integrada e ben comunicada co tecido urbano do contorno.

* Melloraremos as comunicacións no barrio de Albeiros, unha zona pechada en sí mesma, con malas comunicacións tanto coa avenida da Coruña como coas Gándaras. Xestionaremos a apertura do barrio coa cidade para convertelo nunha peza básica do desenvolvemento da zona norte da cidade. Puxemos as bases, agora levarémolas á práctica.

* Faremos das Gándaras un barrio de grande desenvolvemento, tanto en comunicacións como en dotacións. Haberá equipamentos deportivos, ampliarase o colexio e consolidarase un gran parque urbano na Ronda Intermedia.

* É necesario integrar aos ríos Rato e Fervedoira na vida do Sagrado Corazón e das Gándaras, mediante a protección das súas cuncas. Non cabe a menor dúbida de que o desenvolvemento do Plan Paradai, xa EN MARCHA, dará a estas dúas zonas da cidade un novo pulo.

* Converteremos o barrio da Cheda nunha importante zona de conexión das dotacións do río Miño e do centro histórico. Farase a través da rúa Pousadela, procurando unha integración efectiva co centro urbano, grazas ás prolongacións de río Mandeo ata o río Azúmara e o río Masma e sar cara ao norte.

* Converteremos o barrio da Ponte nunha zona dotacional de interese turístico cun alto grao de calidade medioambiental e paisaxística. A nova pasarela de San Lázaro, xa contratada, revitalizará eta zona e daralle interese turístico, converténdoa nun nexo de unión das diversas sendas verdes existentes.

* Co consenso debido, e despois dos estudos pertinentes, crearemos máis zonas peonís na cidade. EN MARCHA

* Impulsaremos, previa negociación coa Deputación Provincial, a creación dunha gran praza diante do Pazo de San Marcos, creando paseos de conexión cos xardíns da Deputación Provincial. EN MARCHA

* Temos a firme vontade de crear unha gran praza e área de lecer na zona da actual estación de autobuses -xa está en estudo o posible soterramento ou desprazamento da estación-.

* Promoveremos axudas e incentivos para propietarios dos edificios catalogados coa fin de compensar a súa conservación. FEITO

* Seguiremos potenciando o embelecemento e o ornato dos barrios coa segunda edición do Programa Lugo Ponte Bonito. Desenvolvemento sostible

* Paulatino soterramento dos colectores de lixo e obriga de instalaldos así nas novas instalacións. EN MARCHA

* Potenciar a agricultura ecolóxica, produtos artesáns e de calidade.

* Impulsaremos unha maior riqueza biolóxica no conxunto dos parques e zonas verdes do concello. EN MARCHA

* Desenvolvemento de campañas anuais para unha maior concienciación cidadá nos diversos comportamentos ecolóxicos e creación dunha mascota que nos identifique.

* Creación dun centro de educación ambiental centrado no ciclo da auga.

* Seguir poñendo en valor as fontes e mananciais do conxunto do concello. FEITO

* Revisión e posta ao día de xeito consensuado de todas as ordenanzas medioambientais do Concello. FEITO

* Continuar cos foros de reflexión, análise e avaliación da Axenda 21. FEITO

LUGO: UNHA CIDADE PARA AS PERSOAS

POLÍTICA PARA AS PERSOAS

* Aumentaremos o persoal para mellorar os equipos de atención primaria.

* Faremos un novo Centro Cívico en Montirón-Sanfiz e recuperaremos como Centro Cívico a antiga Escola de Enfermeiría. EN MARCHA

* Promoveremos a creación dunha residencia para maiores no actual edificio Materno-Infantil.

* Cederemos solo para que a Xunta de Galicia, ou outras iniciativas, poidan construir Residencias de diversas modalidades no municipio.

* Crearemos un Plan Municipal de Servizos Sociais para favorecer o desenvolvemento e aproveitamento dos recursos que ten o servizo.

* Melloraremos os Centros de Día, os programas de respiro familiar e a Axuda a Domicilio dando máis servizos aos usuarios. FEITO

* Estenderemos o servizo de comida a domicilio para as persoas que o necesiten. FEITO

* Seguiremos traballando conxuntamente coas asociacións para a total supresión de barreiras arquitectónicas no conxunto da cidade. EN MARCHA

* Potenciaremos as responsabilidades do Gabinete de Accesibilidade, que traballa para que Lugo sexa máis accesible para toda a cidadanía e, polo tanto, máis xusto.

* Potenciaremos a existencia de cupos de reserva para a formación e o emprego tendo en conta os diferentes tipos de discapacidade. FEITO

* Melloraremos as relacións coas asociacións dos distintos colectivos de persoas con discapacidade para deseñar e realizar as políticas propias de cada un deles. FEITO

* Consideraremos a discapacidade como vector transversal de atención preferente en todas as nosas liñas de acción política, aprobaremos un Plan de Promoción das Persoas con Discapacidade e adoptaremos as medidas necesarias para facer efectiva a igualdade de oportunidades, non discriminación e accesibilidade universal.

* Primaremos as subvencións que as asociacións destinen a obras de accesibilidade dos seus locais.

* Seguiremos potenciando no medio rural os Centros Cívicos que contarán con Biblioteca, e a atención ás persoas con especiais dificultades mediante traballadores sociais específicos. FEITO

* Seguiremos traballando na integración dos inmigrantes, mediante plans de integración social, campañas de sensibilización dos axentes económicos e sociais, itinerarios de inclusión e formación de mediadores interculturais. Potenciaremos a oficina de atención aos inmigrantes e colaboraremos cos emigrantes retornados. EN MARCHA

* Seguiremos traballando para a integración das minorías étnicas como é o pobo xitano. FEITO

* Ofrecemos a total colaboración a entidades e administracións para a posta EN MARCHA da Lei de Autonomía Persoal e da Dependencia, e cumpriremos as competencias que son do Concello.

* Seguiremos coas políticas de prevención e atención á drogodependencia, que iniciamos coa creación dun Servizo Municipal específico. FEITO

* Proseguiremos as políticas de axuda ás familias mediante as ociotecas, a incorporación ás bonificacións no IBI e no consumo de auga segundo o número de fillos ao cargo. FEITO

* Crearemos o certificado Excelencia Social Empresarial que se outorgará a aquelas empresas que adopten especiais medidas para incentivar a conciliación laboral e familiar, a contratación de mulleres, a reserva de emprego a favor de persoas con discapacidade ou polo número de contratos laborais indefinidos.

* Incluiremos nas bases de contratación pública e nas políticas de axudas institucionais, os requisitos de excelencia social no ámbito empresarial. Políticas de igualdade

* Desenvolver o II Plan de Igualdade do Concello de Lugo segundo os criterios da Lei de Igualdade. FEITO

* Potenciar os foros de participación en materia de igualdade. FEITO

* Ampliar o programa de igualdade en colexios e institutos. EN MARCHA

* Seguir desenvolvendo o programa de atención ás mulleres vítimas da violencia de xénero, ampliando o servizo de atención xurídica -que ofrecemos gratuitamente-, propiciando vivendas en aluguer, cursos de formación e itinerarios de inserción laboral e programas de vacacións para vítimas de violencia e os seus fillos. FEITO

* Continuaremos coa nosa aposta decidida a favor da igualdade e a non discriminación por razóns de identidade ou orientación sexual. FEITO

* Proseguir cos programas de atención psicolóxica e xurídica a mulleres prostituídas, así como a colaboración con outras entidades. FEITO

* Continuar cos programas de orientación laboral e inserción laboral, adaptados ás necesidades das mulleres do concello. FEITO

* Crearemos escolas infantís no Ceao e en Montirón-Sanfiz, e continuaremos potenciando os comedores esoolares, para favorecer a conciliación laboral e familiar. FEITO

* Dentro do propio Concello concertaremos as medidas legais necesarias que axuden á conciliación da vida familiar e laboral, tal como se recolle na Lei de Igualdade e no novo Estatuto da Función Pública. FEITO

* Seguiremos apoiando o deporte feminino. FEITO

Política deportiva

* Seguir mantendo a participación activa e os hábitos deportivos dos cidadáns, continuando coa nosa aposta polo deporte na rúa. FEITO

* Continuar apoiando a celebración en Lugo de eventos deportivos de carácter autonómico, nacional e internacional. FEITO

* Promover o deporte de base, deportes minoritarios e as estruturas dos clubes, asociacións e federacións radicadas en Lugo. FEITO

* Construír, en colaboración coa iniciativa privada e a Xunta de Galicia, un Complexo Acuático nos terreos dotacionais que lle corresponden ao Concello en Abella.

* Construír un novo vaso na piscina de Frigsa. EN MARCHA

* Crear, en colaboración coa Universidade e coa Xunta de Galicia, un complexo deportivo na zona de Montirón-Sanfiz.

* Colaborar coa iniciativa privada na construción dunha Cidade Deportiva nos terreos dotacionais das Gándaras.

* Establecer bolsas, mediante convenios coa iniciativa privada, para que os deportistas lucenses de elite poidan consolidar o seu futuro e non teñan que abandonar a cidade.

* A Tarxeta Cidadá vai permitir o acceso a todos os servizos dispoñibles nas instalacións deportivas cunha cota fixa ao mes.

* Incrementar a colaboración con outras administracións para a mellora das instalacións deportivas dos centros educativos, facilitando o seu uso fóra do horario lectivo. FEITO

* Continuar realizando pistas multiusos na zona rural, que permitan a práctica deportiva.

* Fomentar torneos e eventos deportivos especiais con motivo das festas, facendo da práctica deportiva unha forma de integración dos barrios e a zona rural. FEITO

* Continuar coa eliminación de barreiras nas instalacións deportivas e fomentar o acceso das persoas con algún tipo de discapacidade aos diferentes deportes.FEITO

* Comezar a cubrir ou construir pistas de tenis propiedade do Concello para potenciar o seu uso ao longo de todo o ano. EN MARCHA

Políticas de emprego, educación e xuventude

* Axilizar os trámites administrativos coa fin de promover a implantación de empresas e beneficiar aos innovadores e emprendedores, creando a Xanela Única Empresarial, que complete o actual Punto de Asesoramento e Inicio da Tramitación (PAIT) que existe no Centro de Empresas.

* Propiciar a adquisición de solo empresarial e de espazos industriais para que os novos emprendedores teñan facilidades para levar a cabo os seus proxectos.

* Seguir promocionando o Día do Emprendedor e organizar unha Semana da Universidade e as empresas da provincia que teña por obxecto establecer conexións entre o Campus e a actividade produtiva local e provincial. FEITO

* Apoiar o desenvolvemento de novos nichos de emprego, especialmente no denominado terceiro sector e os relacionados coas tecnoloxías da información e da comunicación. FEITO

* Incrementar a taxa de actividade feminina. FEITO

* Proseguir co impulso e modernización do mercado municipal e o mercado ambulante de Frigsa.

* Dotar aos traballadores autónomos dos recursos e estratexias necesarias para o seu desenvolvemento emprendedor.

* Proseguir cos programas de asesoramento laboral para os inmigrantes co obxectivo de facilitarlles os trámites requeridos a este colectivo. FEITO

* Proseguir, mediante convenios, co emprego de persoas con algunha discapacidade. FEITO

* Propoñemos a construción dunha cantidade de vivendas de protección para a mocidade, a posibilidade de acceso a unha hipoteca xove, cun interese baixo e con prezos asumibles, a eliminación dos gastos de escritura e taxas para a reforma.

* Continuar colaborando co IGVS na rehabilitación de vivendas no Centro Histórico para os máis novos. FEITO

* Potenciaremos a bolsa de alugueiro ofrecida por EVISLUSA, e trabalalremos para poñer en funcionamento unha serie de vantaxes para os propietarios que aluguen vivendas á mocidade. FEITO

* Fomentaremos as actividades deportivas, de lecer e de tempo libre, así como os cursos relacionados con estas actividades. FEITO

* Ampliaremos o marco de actividades do Programa de movida nocturna alternativa, Elixe a túa noite, tentando ofertar aquelas actividades que demande e elixa a mocidade. FEITO

* Ampliaremos as actividades lúdicas como o Arde Lucus, A busca do tesouro, actividades na neve, musicais, escénicas, culturais ou de maxia. FEITO

* Ampliaremos a rede de radares xuvenís que fan de interlocutores entre a mocidade e o Concello e tamén as Asesorías para a mocidade. FEITO

* Imos propoñer o estudo da viabilidade do autobús nocturno á Universidade en período de exames e o chamado Bus Búho para evitar a utilización do coche nas noites de movida. FEITO

* Continuar coa promoción da Casa da Música, que ademais terá unha oferta propia consensuada cos grupos lucenses. FEITO

* Actividades preventivas para evitar riscos da saúde. FEITO

* Procurar un espazo propio para a xuventude no centro da cidade. EN MARCHA

* Colaborar coa Universidade para potenciar o coñecemento da Unión Europea, así como impulsar programas específicos dirixidos á xuventude nos irmandamentos. FEITO

Políticas de novas tecnoloxías e innovación

* Elaborar e fomentar cursos e programas para que a cidadanía coñeza a aplicación das novas tecnoloxías. FEITO

* Creación dunha rede municipal de banda ancha, xunto coa iniciativa privada. EN MARCHA

* Facer que as xestións do Concello de Lugo poidan realizarse a través de Internet, implantando paulatinamente a Administración Electrónica. FEITO

* Desenvolver plans de formación e dinamización no uso da Administración Electrónica, tanto para a cidadanía como para os empregados municipais.

* Promocionar as distintas aplicacións de Internet a través da utilización da páxina web do Concello. EN MARCHA

* Establecer zonas wifi e puntos gratuitos de acceso a Internet en áreas significativas do concello, con facilidade de acceso a colectivos desfavorecidos. FEITO

* Facer que as novas tecnoloxías permitan non só un seguemento das políticas do Concello, senón tamén unha maior comunicación coa cidadanía polo que implantaremos totalmente a Tarxeta Cidadá. EN MARCHA